Practicum tl Museum Gherdëina

L Museum Gherdëina chier per la sajon da d’instà 2017 studënc d’Università de materies storich- artistiches y cultureles per fé n practicum tl ciamp dla inventarisazion y cataloghisazion digitela dla culezions coche nce per l servisc de comunicazion cun i vijitadëures.

Studëntes y studënc che ëssa nteres, ie priei bel de cherdé su tl Museum nchin ai 30 de jené 2017, dal lunesc al vënderdi al numer de telefonn 0471 797554, o de scrì na mail: info@museumgherdeina.it.

L Museum Gherdëina pieta sëurapro tematiches spezifiches per nrescides o stude de diplom o dissertazions.