Nuet longia di Museums
L Museum de Gherdëina a Urtijëi nvieia ala
Nuet longia di Museums n sada, ai 18 de setëmber 2010
cun porta davierta dala 6 da sëira a mesanuet
y n program speziel dedicà chëst’ann ai uciei te Gherdëina.
La mierla dal’ega tl Derjon
“Uciei de migrazion te Gherdëina”
Iacun Prugger mustrerà fotografies de uciei che passa tres Gherdëina d’autonn per jì ti luesc plu ciauc a passé l inviern y per julé d’ansciuda inò de reviers ti posć ulache i fej coa.
Leprò unirà mustredes plumes de chësta sortes. L fossa bel sce nce i mutons tulëssa pea plumes che ëi à giapà, acioche i possa ti cialé avisa cun esperc dla grupa per la defendura di uciei y purvé a ruvé sëura de cie ucel che la ie. Daldò puderà i mutons dessenië dò n ucel dla culezion dl Museum. Chësta ie na bela ucajion per duc i mëndri de dessenië dò n ucel dal viv. I miëur dessënies unirà premiei cun de bloc pesć ntan n pitl renfrësch.
Dala 20.30: Cunferënza cun Marco Obletter
“La mierla dal’ega (Wasseramsel) tl ruf dl Derjon.
Bele da ani usservea y studia Marco Obletter chësc ucel, che ie propi na cossa nteressanta tló da nëus. Dantaldut la “sotsort” (Unterart - sottospecie) de chësc ucel ie de gran nteres, povester ënghe ajache la mierla dal’ega nen ie mo belau iniò unida studieda te duc si particulers. Deplù sun chësc tema audirëis pona ënghe ntan la sëira. Oradechël uniral cuntà ënghe dl’ultima nuviteies tl ciamp dl’ornitologia te Gherdëina, sciche la nrescida sun la migrazion de chimpli tres jëuf de Frea.
Ntan la sëira uniral pità prodoc tipics dl Sudtirol y velch da bever.
L program dla Nuet longia 2010 tl Museum de Gherdëina tla Cësa di Ladins a Urtijëi vën metù a jì n culaburazion cun la “Grupa per la defendura di uciei”, la Biblioteca ladina y la grupa di culaburadëures didatics dl Museum.
L’entreda ie debant!