Viac culturel tla Carinzia: DRAPS DLA CURËISMA (Fastentücher)

Stimei cumëmbri y culaburadëures dl Museum!
L Museum de Gherdëina mët a jì n viac culturel de doi dis tla Ciarëncia (Kärnten),
sada 16 y dumënia 17 de auril 2011.
Sun la streda „Transromanica“ jons a cialé ai trëi majeri draps dla Curëisma ntëur Klagenfurt

GURKER FASTENTUCH
MILLSTÄTTER FASTENTUCH
FASTENTUCH HAIMBURG

L prugram n curt:

La sada ai 16 de auril muvons dala 7.15 da plaza S. Antone demez per furné cun la curiera Silbernagl da 25 posć tla Ciarëncia. Per mesdì ons apustà la marënda pra l Millstätter See.

Dala 14:00 ons la vijita meneda al drap de Millstatt dl 1593.
Daldò furnons inant a Gurk ulache on nosc albierch tl cunvënt che ie tacà pro pra l Dom.

Dala 18:00 ons la vijita meneda al gran drap gotich de Gurk tacà ora tl Dom. Chësc ie l majer drap dla Ciarëncia y fej nce pert dla testemunianzes
europeiches plu mpurtantes dla ert pitorica dl Medieve. L moster Conrad von
Friesach l à depënt dl 1458. Sun 89 meter cuadrat de tëila de lin iel da udëi
bën 99 scenes ora dl Vedl y Nuef Testamënt. Cun na cëina duc deberieda stlujons ju nosc prim di de viac. N la dumënia dl Aulif, furnons do gusté a Friesach, la zità medievela plu vedla dla Ciarëncia.

Dala 10:00 iel prugramà na vijita meneda per la pert plu vedla y nteressanta dla zità. Daldò marënda tipica.
Domesdì furnons a Völkermarkt/Haimburg, tlo nes restel mo dala 15:00 da vijité l terzo y ultim bel drap gotich, depënt dl 1504.
Ntëur la 16.30 dajons inò ëuta de viers de cësa.
Cialeron de ruvé per la 9 dassëira.

Priesc de iscrizion: per cumëmbri 145,00 €, per nia cumëmbri 155,00 € (laite iel l viac cun la curiera, l durmì cun gusté, la 2 marëndes y la cëina cun la buandes y duta la ntredes cun 4 vijites menedes).
Se nuté su possen tl Museum nchin ai 22 de merz,
dal merdi al vënderdi, dala 9:00 – 12:00 y dala 14:00 – 17:00.