Sada, 26 de utober 2013

Jita culturela a Trënt
cun vijita al MuSe Museum dla scienzes nuef
y ala mostra „Sangue di drago“ tl Castello del Buonconsiglio

Care cumëmberi y amics dl Museum Gherdëina!

Ve nvion de cuer cun vosc cumpanies a na jita culturela de un n di a Trënt.
Danmesdì jons a vijité l Museum nuef dla scienzes MuSe, la marënda ons te na ustaria tipica tl zënter dla zità y domesdì jons a ti cialé ala mostra speziela sun i tieres fantastics tl Castello del Buoncosiglio.

MuSe - L Museum dla Scienzes ie unì giaurì da permò da nuef te na strutura realiseda dal architet de fama nternaziunela Renzo Piano. Tlo pudëis crì ora danter doi vijites menedes:
> una, al verzon cun plantes tropicheles dl Africa, ulache l vën spligà danterlauter l’mpurtanza dla biodiversità per nosc planet;
> na segonda vijita sun la storia y l’evoluzion dla vita, ulache n vën menei sun n viac tres l tëmp a scumencé dal sistem dl surëdl nchin ai dinosaurs y al svilup dla tecnica moderna de ncueicundì.

Mostra „Sanch de dragons, scaies de beca“. La gran mostra speziela tl Castello del Buonconsiglio ie chëst ann dedicheda ai tieres fantastics y ala criatures mitologiches tla cultures antiches coche frut dla fantasia y dla tëmes dla persona. La mostra ie na culaburazion cun l Museum Naziunel dla Svizra y fej udëi scultures, pitures y pec archeologics de valuta nternaziunela.

Prugram dl di:
8.00 Muvon cun la curiera da Urtijëi demez, plaza S. Antone
10.00 Vijita meneda al MuSe
12.30 Marënda tl restorant „Al Vò“ tl zënter dla zità
14.30 Ntreda y vijita meneda ala mostra speziela tl Castello del Buoncosiglio
17.00 Dajon ëuta de viers de cësa

Per nfurmazions y per se nuté possen passé tl Museum Gherdëina nchin ai 23 de utober 2013 (lunesc a vënderdi, dala 9–12 y 14–18), tel. 0471 797554

Priesc de iscrizion:
58 Euro per cumëmbri, 63 Euro per nia cumëmbri (tl priesc laite iel l viac cun
la curiera, la ntredes cun vijites menedes tla doi mostres y la marënda cun la
buandes).