24–26.04.2015
1. di: Milano “Duomo“ y “Nuovi Palazzi“
Prugram:
N vënderdi, 24 de auril muvons dala set daduman da Urtijëi, plaza S. Antone demez per furné cun la curiera a Milan. Domesdì nes mëina l espert Enzo Gibellato a fé na raida al’architetura dla zità nueva cun atrazions nternaziuneles schiche i „Boschi verticali“, Torre Diamante y d’autri palac auc nchin a 230 metri, per ruvé a vijité l “Duomo“ cun si “misteriëusa selva gotica” nchin sun la terasses suinsom.
La cëina arons tl agriturism „Il Ronco di Casarico“ daujin ala zità de Varese, ulache durmion doi nuetes tl “City Hotel.“
La sada, 25 de auril furnons a Monte San Giorgio, sun la pert taliana dl lech de Lugano. Tlo nes aspieta l paleontologh prof. Andrea Tintori dl’Università de Milan per fé l parcours tl Parch Naturel UNESCO, de feter n 5 ëura cun n deslivel de mé 150 metri ca. L ie chësc un di raions plu mpurtanc al mond de fossìi dl Triassich mesan (240 milions de ani), cunesciù dal 1850 incà y cun relazions de nteres cun nosta montes dla Dolomites. Dadedò ancuntons tl pitl luech de Bisuschio la grupa Amici della Montagna che nes pieta velch da bever y pesslé. Andrea Tintori nes cunterà mo velch di fossìi plu mpurtanc dl raion. A cëina tlamons tl agriturism “Il Carpio“.
La dumënia, 26 de auril jons a vijité l “Sacro Monte“ de Varese (883 m). Jon a pe su per la “Via Sacra“ che pieta n panurama de marueia sun la Elpes y fej pert dl Patrimone Culturel UNESCO. Cun si 14 capeles y grupes de scultures sacres dl Setcënt iel nce l Troi Marian plu faszinënt al mond (feter 1 ëura, de ndut ca. 2 km). Chiche ulëssa possa nce furné su cun la curiera o cun la furnadoia y vijité i sic storics dl pitl luech. La marënda ons duc deberieda tl “Ristorante Colonne Hotel”, na bona ustaria dl luech.
Do marënda furnons inò ndëur a cësa per ruvé a Urtijëi ntëur la ot dassëira.
Per nfurmazions y iscrizion: Museum Gherdëina, dal lunesc al vënderdi dala 9 ala 12 y dala 14 ala 18, tel. 0471 797 554
Davia che l ie lerch mé per 30 persones, vëniel cunsià de se scrì ite per tëmp y ëura.
Priesc de iscrizion: 300 € per cumëmbri, 330 € per nia scric ite (tl priesc laite iel l viac cun la curiera, l albierch per 2 nuetes cun gusté, 3 cëifs te agriturism y restaurant de cualità, duta l’entredes y vijites menedes).
Viac culturel de trëi dis
1. di: Milano “Duomo“ y “Nuovi Palazzi“
2. di: Monte San Giorgio Escurscion paleontologica
cun l prof. A. Tintori al Patrimone Naturel UNESCO
3. di: Sacro Monte di Varese Patrimone Culturel UNESCO
Prugram:N vënderdi, 24 de auril muvons dala set daduman da Urtijëi, plaza S. Antone demez per furné cun la curiera a Milan. Domesdì nes mëina l espert Enzo Gibellato a fé na raida al’architetura dla zità nueva cun atrazions nternaziuneles schiche i „Boschi verticali“, Torre Diamante y d’autri palac auc nchin a 230 metri, per ruvé a vijité l “Duomo“ cun si “misteriëusa selva gotica” nchin sun la terasses suinsom.
La cëina arons tl agriturism „Il Ronco di Casarico“ daujin ala zità de Varese, ulache durmion doi nuetes tl “City Hotel.“
La sada, 25 de auril furnons a Monte San Giorgio, sun la pert taliana dl lech de Lugano. Tlo nes aspieta l paleontologh prof. Andrea Tintori dl’Università de Milan per fé l parcours tl Parch Naturel UNESCO, de feter n 5 ëura cun n deslivel de mé 150 metri ca. L ie chësc un di raions plu mpurtanc al mond de fossìi dl Triassich mesan (240 milions de ani), cunesciù dal 1850 incà y cun relazions de nteres cun nosta montes dla Dolomites. Dadedò ancuntons tl pitl luech de Bisuschio la grupa Amici della Montagna che nes pieta velch da bever y pesslé. Andrea Tintori nes cunterà mo velch di fossìi plu mpurtanc dl raion. A cëina tlamons tl agriturism “Il Carpio“.
La dumënia, 26 de auril jons a vijité l “Sacro Monte“ de Varese (883 m). Jon a pe su per la “Via Sacra“ che pieta n panurama de marueia sun la Elpes y fej pert dl Patrimone Culturel UNESCO. Cun si 14 capeles y grupes de scultures sacres dl Setcënt iel nce l Troi Marian plu faszinënt al mond (feter 1 ëura, de ndut ca. 2 km). Chiche ulëssa possa nce furné su cun la curiera o cun la furnadoia y vijité i sic storics dl pitl luech. La marënda ons duc deberieda tl “Ristorante Colonne Hotel”, na bona ustaria dl luech.
Do marënda furnons inò ndëur a cësa per ruvé a Urtijëi ntëur la ot dassëira.
Per nfurmazions y iscrizion: Museum Gherdëina, dal lunesc al vënderdi dala 9 ala 12 y dala 14 ala 18, tel. 0471 797 554
Davia che l ie lerch mé per 30 persones, vëniel cunsià de se scrì ite per tëmp y ëura.
Priesc de iscrizion: 300 € per cumëmbri, 330 € per nia scric ite (tl priesc laite iel l viac cun la curiera, l albierch per 2 nuetes cun gusté, 3 cëifs te agriturism y restaurant de cualità, duta l’entredes y vijites menedes).
