Di nternaziunel di museums

Dumënia, ai 15 de mei 2011
Di dla porta davierta 10.00 – 18.00

Arpejon culturela: memoria dla storia de nosta valeda

L Museum Gherdëina se mpënia da plu che cincant’ani per la cunservazion dla arpejon storich-culturela y naturela dla valeda. Tl zënter dl program per grany y pitli ie l'ancunteda spirituel-nteletuela cun pec prijei de nosta cultura coche archif dla tradizion populera: deberieda ulons crì la fusties di lecorc persunei y di messajes simbolics tla cosses de uni di.
Nce la cëses da paur, i tublei y la stales ie testemons prijei dla storia dla jënt de Gherdëina.
Tl cheder de na escurscion uniral sëurapro pità la puscibltà de cialé ju n valgunes de chësta frabiches cun esperc dla storia dl frabiché dal tëmp romanich insù. L se trata de mejes che ie unic studiei plu avisa tl cuntest dl proiet de nrescida sun l’architetura da paur te Gherdëina dejëut n culaurazion cun „Bauforschung Tirol“, la Facultà d’Architetura de Dispruch y l Ufize provinziel per i Bëns culturei.

Museum
Dala 10 ala 18: Porta davierta cun ntreda debant
Dala 14 inant: Azion nteratives per granc y pitli cun quiz sun la tematica
„I simboi y la memoria dla cosses“. L sarà de bela sorpreses che ve aspieta.

Stònd de libri tla Biblioteca ladina dla ULG sun la tematica „Architetura da paur tla Ladinia“.

Raida di mejes
Dala 10: Ancunteda dan l Museum
Vijita di mejes „Frëina“, „Stlejuc“, „Milan“ y „Martin“ a Urtijëi - Superchelpiz.
Dala 14: Ancunteda „Aldoss“ (Plesdinaz), Santa Cristina
Vijita di mejes „Crëpa“, „Paratoni“ y „Insom“ a Santa Cristina.

Ala scuvierta dl’achitetura anonima medievela cun la tuadëura de frabiches Sonja Mitterer y l dendrochronologh Klaus Pfeifer. N cunlaurazion cun la grupa de lëur „Cherta di mejes de Gherdëina“.