Cripl de Rudolf Moroder Lenert, 1910

Pitura dl paesaj de bera Sepl Moroder da Jumbeirch

 
 
Inaugurazion: 18 de dezëmber dala 17:00, tla Sala dla Scultures
Vijita meneda ala Cripl: 21.12, 28.12 y 04.01 dala 16:00, cun Wolfgang Moroder (debant)
 
 
 
Tl zënter dla mostra da Nadel de chëst ann ie la bela gran cripl cun passa 50 figures zipledes dal scultëur Rudolf Moroder de Lenert (Urtijëi 1877 - Galizia 1914), realiseda dal artist coche scincunda de noza per si fëna Josefine Leimstädtner de Maran. La pitura panoramica dl ciel ie de bera Śëpl Moroder da Jumbierch.
 
La cripl ie unida data inat tla familia Moroder nchin dl 2022; tres l mpëni privat de Wolfgang Moroder iela inò ruveda de reviers y mprësteda al Museum de Gherdëina per la mostra.
Rudolf Moroder ie stat dal 1902 inant l diretëur artistich dla berstot d‘ert religëusa y d‘ auteresc “Gebrüder Moroder” metuda su da si pere bera Franzl de Janmatie tla cësa de Lenert, cun na sënta nce a Offenburg ti Paesc Tudësc. Cunesciù iel dantaldut per si scultura dla “Santa Lisabeta cun l petler” tla dlieja San Durich a Urtijëi, premieda cun la medaia d’ora pra la mostra mundiela de Paris dl 1900. Ël ie tumà l ann 1914 sul front russ tla Galizia.

L Museum Gherdëina sënt gra de cuer ai sustënideures per l finanziamënt dla vetrina nueva: Insam Margherita y Faust Moroder - Hotel Maria SAS, Ezio Prinoth - Saslong SRL, Hans Schenk - Col Raiser SRL, Filip & Robert Stuflesser - Ferdinand Stuflesser 1875 SNC, Adi Demetz - Original Heide Pontives, Franz Rabanser - Getränke Rabanser
 
Download Poster