La "rujenedes" di luesc

Spazireda sun Col de Flam y Sacun cun spligazions toponomastiches de Cristian Kollmann

 
 
Dumënia, 19 de mei 2024, 9:00-12:00
L ne n’ie nia de bujën de se scrì ite, la raida ie debant.

Pont d’ancunteda: dala 9 daduman dan l Museum Gherdëina
Raida: Plaza Durich – Stufan – Col de Flam (Mejes) – Sacun – Dlieja da Sacun – Col de Flam (mesamont) – Plaza Durich.
Dureda: 3 ëura
Rujeneda: tudësch
Furnimënt: de bon ciauzei, joca per la plueia.


Curta descrizion:
Da ulà vën pa ca l inuem Gherdëina? Y ciuldì dijen pa 'Gröden' per tudësch? À pa Col de Flam veramënter velch da nfé cun na flama?
Chëstes y d’autra dumandes ie bele unides ejaminedes y cunscidredes tl liber dl Museum Gherdëina “Frühes Gröden”. Per cumpleté y jì plu sot te chësta tematica jons diretamënter cun l autëur Cristian Kollmann te lueges, che nes rejona cun si inuems te na rujeneda che ie bele da giut morta ora.
Nosc acumpaniadëur dajerà inó vita a chisc inuemes, jan de reviers a si forma de uriginn y abinan ora i sucrëc dl senificat de uniun. Ora de chël dëssel unì mustrá su: inuemes ie testemonesc mpurtanc dla storia dl nridlamënt y dla rujeneda de nosta valeda y possa nes cunté truep dla cultura y dl mond imaginer de si abitanc da vedlamënter.
 
Sun l referënt: Dr. phil. Cristian Kollmann ie linguist storich y co-autëur dl’ultima publicazion data ora dal Museum Gherdëina „Frühes Gröden”.
 
 
La manifestazion vën tenida en ucajion dl “Di nternaziunel di Museums ".
Daviert: dala 11 nchin la 18. Entreda debant.

Download Flyer